中声唱将吴亦伟同萧伟伦呢日一齐现身晚宴担任表演嘉宾，两人献唱及同台下观众互动气氛热闹，可惜美中不足无缘听到佢哋合唱，两人喺访问期间就实现观众愿望，无预警下合唱《左右为难》，虽然并冇预先夹过，但听得出佢哋嘅合拍程度。
吴亦伟喺比赛时自创歌曲《吴亦伟》，令观众留下深刻印象，歌曲有望即场推出，所以佢近日除咗学好广东话，亦努力筹备新作。嚟紧11月，吴亦伟会举行粉丝见面会回馈一直支持佢嘅粉丝。
萧伟伦之后就会联同王郑浚仁（Rax）到佛山开骚，笑言会将高音部份交畀Rax施展海豚音，自己则负责中底音，更大爆Rax好钟意同佢男女合唱。
