邓丽欣（Stephy）相隔14年再推出新专辑，日前举行咗两场音乐会，开骚当日适逢系Stephy正日生日，除咗过千粉丝同佢一齐度过之外，好友陈建安同蓝奕持（LesterLam），仲鬼马扮工作人员送上生日蛋糕，为Stephy送上惊喜，其后全场歌迷大合唱为偶像贺寿。
喺音乐会上，Stephy除咗演绎新歌之外，特意挑选一啲Sidetrack作品，见到台下粉丝反应咁热烈，令Stephy心郁郁想开个Sidetrack演唱会，坦承今次顺便试水温。
Stephy更首度公开演唱出道时其中一首作品《小红帽》，呢首歌令Stephy失守变大喊包，完全唱唔到首歌。Stephy坦言事先已经知道会衰，因为呢首歌喺屋企练歌时都会喊，唱番廿几年前第一首自己包办作曲填词嘅作品，就好似同自己内心对话一样，唱到某啲歌词真系会忍唔住喊。
