黑妹李丽霞、刘浩龙、小肥 同 黄博等出席一个文化节活动，身为活动搞手之一嘅 林思彤 ，一直致力推广广东歌，而黑妹姐认为50年前嘅广东歌好似讲故事较易唱，现今嘅歌词则比较难记。 许云妮 就话自己喺马来西亚专注唱广东歌，所以嚟到活动特别有意义。阮慧珊觉得广东话有好多贴地术语，应该要保留呢个传统特色。
师兄同小肥当然大力支持广东歌，佢哋仲会喺12月将广东歌带到去多伦多开骚，与观众普世欢腾，小肥就笑指佢哋系普世肥龙组合。
黄博近期密锣紧鼓为稍后同李佳喺广州嘅演唱会做准备，心情兴奋又紧张，更披露今次骚特别挑选咗女性主题嘅歌曲，略带感性，自己拣歌练歌时都有种想喊感觉，期待快啲同李佳相遇。
