TVB恋爱真人骚《女神配对计划2》自播出后引起城中热话，郭珮文（Juliana）、陈若思（Amber）、阮嘉敏、何沛珈、俞可程五位女神同求爱勇者们嘅相处成为焦点。今个星期日就会播出女神们同求爱勇者喺水上乐园展开互动，Amber就率先分享当日拍摄嘅花絮照，就唔系同男士们有关，而系佢同Juliana嘅友谊点滴！
myTV SUPER重温新一辑女神求爱历程
Amber喺社交平台贴出佢同Juliana手拖手喺乐园奔跑及揽揽嘅相，仲用一张猫猫合照同佢哋嘅合照拼埋一齐，更将呢两张对比相做成立体光栅小卡，可见佢哋对呢段友情嘅重视，令网民大赞佢哋系「好可爱嘅一对猫猫」。
Amber最冧嘅就绝对系同Juliana嘅一段对话：「这星期已经去到水上乐园🔫那天我问Ju🐷我：如果我被淘汰了，你怎么办？J：那我跟你一起退出。我：😳😳」Amber话Juliana嘅回应令佢「瞬间心动」，Juliana仲喺留言向Amber表白「爱你Very much」添！
《女神配对计划2》星期日晚 20:30 翡翠台