台庆剧《璀璨之城》播出后热度持续上升，由张智霖、吴卓羲饰演嘅官家兄弟斗得你死我活，而高海宁同张曦雯呢两位背后女人都不甘示弱，睇到观众好紧张。
myTV SUPER重温《璀璨之城》豪门家族争产
跳出剧外，高Ling忙完排得密密麻麻嘅工作后，终于可以放假休息一下，佢就拣咗去肯亚呢个难忘又走近自然生态嘅假期！高Ling喺社交平台上载多张同野生动物嘅近距离合照，以及美食同酒店嘅景色。
高Ling毫无女神包袱，分享一段素颜玩非洲鼓嘅片段，玩得非常开心。高Ling对呢个旅程感到好满意同满足，到埗第一日已经喺返酒店途中见到超多动物。
高Ling一身休闲装扮，见佢拎住相机睇落好专业，佢叫大家期待靓相之余，仲话「继续完成我的bucket list：去非洲睇动物🦒🦓🦁🐆肯亚🇰🇪 我来咗啦～ 🥳🥳The BEST trip ever 」，唔少网民感到羡慕，仲话等睇高Ling嘅靓相。
