邓兆尊一向率直敢言，近年不时喺网上节目爆出娱乐圈秘闻大派花生，早前佢爆出圈中有一位「集邮女星」，令网民化身侦探开始进行大搜查，令到关之琳、佘诗曼、陈炜、伍咏薇、叶璇等女星无辜受到牵连，成为「嫌疑人」，兆尊火速为几位澄清洗脱嫌疑。
兆尊喺另一个网上节目表示自己并唔认识关之琳同陈炜，而阿佘就系「男仔头性格」，自己亦唔会过问佢同边个拍拖。兆尊话伍姑娘真人就系「细路女」，真人好怕羞：「佢讲嘢好似好大癫大肺，好似咩都冇所谓嘅人，实际上哄吓佢，佢都被你吓死。」兆尊更称唔关叶璇事。
兆尊话自己所讲嘅只系好小事，想知嘅可以睇返吴君如以前讲嘅嘢：「好多佢都讲过出嚟，喺圈内已经系唔系秘密嘅秘密嚟㗎喇！」
兆尊大爆名人富豪风流史，有人为拉拢关系同为利益而安排自己老婆去「招呼」朋友或生意拍档，形容呢样嘢喺富豪圈中叫「资源共享」、「极致招待」，更会「坐喺度食雪茄，问得唔得？掂唔掂呀」，令人哗然。兆尊就对于呢啲嘢见怪不怪，因为世界上好多嘢系正常人谂唔到。
