内地男神 井柏然 近日现身香港街头，有唔少粉丝野都生捕获到偶像，纷纷将合照post上网，大赞男神靓仔又贴地，而井宝本人亦连环post自己喺香港吃喝玩乐全记录，仲欢迎大家推介地道美食。
多位粉丝喺社交平台分享喺中环街头偶遇井宝，话男神主动同粉丝打招呼，非常亲民。亦有粉丝喺尖沙咀偶遇戴住口罩嘅井宝，粉丝要求合照，井宝竟然主动除低口罩配合。越来越多粉丝分享同井宝合照，搞到有网友忍唔住搞笑问「到底要跟多少人合影呀？」「难道是在香港办粉丝见面会忘了通知大家？」
被无数粉丝野生捕获后，井宝亦主动分享自己嘅香港之旅，佢兴奋写到：「我在香港，好开心呀！吃了喜欢的茶餐厅，还有这个可颂冰激凌，还有什么好吃可以推荐么？」井宝有求粉丝必应，涌入大批「地胆」热情推介各式美食，唔知井宝有几多个胃可以装得落咁多食物呢？
