棒球选手出身嘅 曹佑宁 早前参与一个生存游戏节目，挑战体能极限，喺节目中唔只要经历日晒雨淋，仲要靠自己喺野外觅食。呢日佑宁出席活动，讲返拍摄时嘅点滴，佢仍然历历在目，话绝对系自己拍过最辛苦嘅节目。
佑宁话最深刻嘅一次系食青蛙，其实好多人都食过田鸡，所以食唔系大问题，问题系要自己捉同埋自己处理，虽然于心不忍，但因为已经好肚饿，所以唯有简单帮青蛙祈祷，然后再送佢去BBQ。
虽然拍得考验体能嘅节目就预左一定会瘦，但系佑宁都估唔到净系拍左两日，就已经瘦到成个骷颅骨咁，照镜𠮶下自己都吓亲，结果完咗节目拍摄就即刻去打边炉报复性大擦一餐。
讲到呢个节目请到韩国男星金钟国担任串场主持，佑宁就大赞金钟国非常亲切，永远都系笑脸迎人，系一个好温暖嘅大哥哥。
