有「绿魔」之称嘅形象指导Karl许嘉浩，趁住自己嘅生日月搞咗个慈善fashion show，邀请多位女艺人包括 黄榕 尹蓁晞 等女艺人行骚，而 寇鸿萍 同 唐贝诗 两母女当日都系座上客。
Karl话自己已经连续多年生日搞慈善派对，今年就系帮香港结节性硬化症协会（TSCAHK)」筹款，佢叫大家将买礼物同请佢食饭嘅钱捐出，希望借由自己嘅小小力量，帮助有需要嘅人。
而Isabella上个月尾啱啱过咗65岁生日，佢亦久违嘅大搞生日party，同过百位朋友齐齐开心一晚，当晚有好多圈中朋友出席，包括叶子楣、陈欣健、黄夏蕙等，而两个女亦都盛装打扮参与，仲向妈咪献吻。Isabella话自己搞party有部分原因系想帮香港振兴经济，顺便揾借口同班朋友见面聚会。
