现年65岁嘅「芹菜」蔡枫华 近日除咗积极筹备12月举行嘅个人演唱会之外，日前佢接受相识逾40年嘅好友 翁静晶 嬝上节目访问，更爆出当年右眼曾遭黑社会以「铁莲花」袭击，导致创伤性青光眼、视力永久受损。
翁静晶于节目中指要为好友Ken哥讨回公道，日前佢亦公开最新进展，指已经细阅当年口供，案发正确时间应为2005年3月。翁静晶仲指发现「情节比听到的更可怕」，又宣布已邀请到一位比佢更资深、更稳重嘅律师跟进呢宗「铁莲花插眼」旧案。
虽然昔日阴影未解，不过完全无阻Ken哥对舞台热爱。星期六佢就应邀到广州登台，吸引大批内地歌迷支持。状态不俗嘅佢于台上连唱多首个人代表作，当中包括经典代表作《倩影》，仲吸引唔少朋友大合唱。
随住讨论度高企，唔少网民同歌迷都对佢12月举行嘅演唱会非常期待，亦有唔少歌迷留言鼓励，指希望法律能为佢洗刷多年冤屈，同时亦期待佢喺演唱会继续以动人歌声献唱，重现昔日风采。
