TVB音乐选秀节目《中年好声音4》、无线（国际）有限公司以及TVBI旗下艺人 尹景顺 于马来西亚吉隆坡，获《The BrandLaureate BestBrands Awards 2026》颁发多个奖项。
《中年好声音4》荣获「最佳品牌奖 : 卓越励志娱乐奖 — 激励梦想，礼赞人生第二篇章」奖项。TVBI则获颁发「最佳品牌奖：全球内容、媒体与娱乐卓越奖」奖。对于呢次获奖，TVBI总经理 陈树鸿 表示：「我们深感荣幸能获得这项殊荣，功劳系制作团队同参赛者，节目喺星马、北美同澳洲等地海选，当初系面对一定困难，但过程好开心，因为收到好多观众同参赛者嘅回馈，话成个节目畀到个平台大家，不论任何职业嘅人都可以追梦。」
至于《中声4》冠军 尹景顺 就获颁发「杰出区域艺人奖」，以表扬佢喺《中声4》赛事中出色表现，景顺好开心能够喺家乡获奖，不过就觉得为仲有好多嘢未做到，等自己再有大啲嘅成就先叫衣锦还乡。
佢又话自《中声4》赛事之后，多咗机会四出表演同登台，而呢啲工作喺佢参赛前都一直有做，所以都唔会话唔适应。讲到推出新歌，佢希望可以一次过推出快歌同慢歌，又想畀到大家一听就知道系佢风格嘅歌，所以需要时间制作。
