周嘉洛近期挑战动作与正剧角色，并因疯狂健身变身「爆肌猛男」，早前拍新剧《驱魔速递》担正男主角，以为佢想摆脱《爱·回家之开心速递》金城安嘅影子，点知佢㖊日喺社交平台上载一条为一个品牌拍摄嘅搞笑短片，骤眼睇以为系岛大女神「子珊」，点知一开口系男声，以幽默、无厘头嘅动漫风格，讲述关于金发战士与「神奇香味」嘅故事。
《爱·回家之开心速递》陪伴观众
嘉洛当日喺海滨长廊取景，见佢一人分演两角，一时身穿白色衬衫与深色短裤、一时头戴一顶金色长假发，身穿长袖衬衫搭配短裤，变成温柔又强悍嘅金发战士，先嚟一个金发随风飘扬嘅特写，又加上樱花飘落与美颜滤镜，模仿日本少女漫画嘅「美男子」梦幻登场，与其身穿短裤露出强壮小腿线条，形成强烈对比。
跟住剧情转折，嘉洛去到一个健身室室内淋浴间，嘉洛竟然未有大方展现佢近期苦练嘅「爆肌猛男」好身形，反而嘉洛直接着住件衫，就企喺花洒下洗头，身上嘅衣服被完全淋湿，嘉洛一边拨弄满头嘅洗头水泡沫、一边对住镜头摆出自信又带点诱惑嘅眼神，完美展现金城安式无厘头与喜感。
嘉洛「封胸」着衫洗头让唔少想睇佢健身成果嘅粉丝有啲失落，之不过佢靠幽默感逗乐大众嘅拍法，「重操故业」再度发挥其搞笑细胞，却成功掀起《爱·回家》集体回忆。睇嚟即使嘉洛尝试做正剧演员，私底下依然系观众最爱嘅「搞笑担当」。
