TVB恋综《女神配对计划2》七位女神 何沛珈 、 郭珮文 、 陈若思 、 俞可程 、 阮嘉敏 、 陈星妤 同 梁超怡 ，联同求爱勇者呢日现身宣传活动，大会安排女神同求爱勇者即场配对，再要求男士们做一啲令女神心动嘅行为，测试吓女神嘅心跳速度。
方智弘（Oscar）获4位女神垂青，更获妈妈撑场支持，原来成家人不时八卦问Oscar嘅恋爱取态，Oscar却守口如瓶，系咁叫家人追睇就知道。被问会唔会采取「奶奶政策」，俞可程笑言未见过「奶奶」。
何沛珈近日是非不绝，佢坦言一开始唔知点面对，第一次接触到海量恶评，用咗啲时间去消化，何沛珈坦言而家已经过咗𠮶个阶段，目前心情系好OK，佢指访问出街后，收到好多加油打气嘅讯息，何沛珈好多谢大家咁关心佢！
阮嘉敏喺节目里面表现得大方得体，深得吴旭东（东东）同谭梓乐（Hepta）两位男士钟情，亦被网民封为「女神天花板」，阮嘉敏感谢网民称赞，话大家系一个团队，众人都心地善良，只系性格唔同，佢好希望大家都得到称赞，可以评论一下，唔好太过攻击。
阮嘉敏话目前东东同Hepta各有优势，仍在观察当中，笑言觉得东东同Hepta好夹，钟意同一个女仔时，二人相处好和谐。而陈星妤喺活动上，再次拣咗Oscar，更直认有私心，想对多Oscar两眼，身边嘅李尔晨笑指同部分女神以前系讲公事，突然之间要与同事讲感情，有时确实有啲尴尬，同场嘅吴兆麟向心动女神陈若思献唱，陈若思就觉得林子朗唱得好听啲。