奥斯卡影后杨紫琼、金马影后秦海璐、内地戏剧女王刘涛、内地人气演员许凯及时尚KOL章小蕙等，呢日喺上海现身撑国际知名品牌创办人纪录片。章小蕙近年将事业重心转移至内地，今年63岁嘅佢容貌同身材状态保养得宜，成为现场焦点之一。
秦海璐着住品牌特意为佢订制嘅型格西装亮相，近日天气开始转凉，陈都灵、刘涛分享秋冬必备单品，陈都灵喜欢戴羊绒围巾，觉得作为一个演员，喺秋冬季节有好多场合要穿上礼服，围巾就发挥到既舒适又保暖嘅单品，刘涛则喜欢着羊绒毛衣加窄脚裤，再配一对靴就OK！
人气小生许凯主演嘅古装复仇剧近日喺内地播出，引起唔少网民讨论，唔少剧迷被佢嘅演技吸引，许凯自评新剧角色人设魅力系腹黑阴险毒辣，颠覆以往嘅深情形象。
