林峰早前完成贺岁片拍摄，紧接动身前往泰国拍摄另一部新戏，近日喺曼谷忙开拍，行程可谓马不停蹄。林峰今次新戏包含查案元素，有唔少高难度嘅打斗戏份，㖊日有网民喺泰国街头偶遇林峰，其一身型爆干练探员打扮，同场仲有王敏奕、庄锭欣（ELKIE）等。
片中见林峰身穿深蓝短袖T-Shirt、军绿色工装长裤，颈上挂嘅似系警员证件牌，于当地一个民居大楼底层进行拍摄，王敏奕似系便衣探员，一脸严肃正「护送」被外套盖头嘅长发女仔，上黑色嘅泰国警车，正拍摄一场警察查案及被媒体包围嘅场口。
现场有身穿蓝色「泰国警察」制服嘅群众演员，仲有记者与摄影师造型嘅临时演员同场，而庄锭欣拎住手机连自拍杆低调跻身于人群中，未知系拍摄定做直播！
林峰最近忙于世界巡回演唱会，亦已安排好档期，穿插拍摄呢套新戏，行程可谓马不停蹄，为兼顾家庭同工作，早前受访已讲过要喺曼谷驻扎一段时间，太太张馨月同女儿「格格」Luna可能到曼谷探班。林峰预计于12月举行广州站个唱，稍后前往纽约、新加坡、美国等地展开巡回演出。
