陈展鹏太太 单文柔 近年转战发展美容事业同专心经营社交平台，不时就会分享两公婆同埋囡囡「小猪比」嘅幸福生活点滴。
Phoebe最近就分享带小猪比搭乘充满香港风情风嘅帆船出海嘅靓相同趣事，佢分享呢次带小猪比坐嘅仲系展鹏当年拍剧集《张保仔》同一艘船 ，本来想同囡囡认真讲下十一贝勒嘅故事：「点知唔知系海风太舒服定我讲故仔太好听，佢直接舒服到断电瞓著咗。」令Phoebe都觉得好好笑。
从相中可见，Phoebe同小猪比吹住海风叹下午茶，两母女又坐喺度挨住对方扮瞓觉。喺另一张合照中亦清楚可见，7岁嘅小猪比越大越似妈咪，十足十系饼印一样，而且已经面仔尖尖，系一个小小美人胚子，网民都赞佢越嚟越可爱！
