乐坛天王郭富城（Aaron）迎嚟61岁生日，爱妻方媛（Moka）深夜喺社交平台大晒一家五口全家福，城城虽然步入花甲之年，但佢外貌身形状态打破年龄界限。
10月26号系老公城城生日，方媛为老公举行温馨家庭派对，喺社交平台上载多张照片，并留言：「Happy birthday, my love.🎈🎂❤️😘！」台上整齐排列多个精致生日蛋糕，包括一个印有全家Q版公仔嘅双层蛋糕、一个象征城城爱驹嘅骏马造型蛋糕，以及传统嘅寿桃蛋糕。
相中见城城身穿恤衫，打扮帅气，轻松抱起细女「三宝」郭咏心、另一只手对镜头畀心，脸上洋溢着幸福笑容，城城与爱妻开心合照，流露出满满幸福嘅温馨氛围，唔少网民赞城城手臂肌肉线条紧实，状态根本似40出头。
大女郭咏希（Chantelle）同二女郭咏萱（Charlotte）身穿白色T恤搭配碎花半截裙，对住镜头摆出可爱姿势，细女「三宝」拥有肉嘟嘟嘅粉嫩脸颊，完美承袭父母优良基因。方媛为咗保护爱女私隐，喺阿女眼睛后期加上唔同颜色嘅时尚墨镜贴图。
