高海宁 周嘉洛 同 朱敏瀚 一齐现身节目《Grand住去首尔》记者会，三位现场分享今次喺当地体验嘅极致吃喝玩乐行程，而短短几分钟嘅宣传片中，经已令三人对旅程回味无穷。
呢次亦系高Ling第三次参与呢个「Grand住」系列，佢非常开心可以搭包机外，佢仲话感受到银行为客户提供咗好多独一无二嘅体验。而且喺成个首尔之旅，佢哋都见证住参与嘅客户有几咁开心满足同享受。
高Ling喺行程中有机会同韩国型男整陶艺，朱仔就话最难忘同韩国演员 金钟国 一齐拍摄，跟对方学健身动作时更被摸，就连金钟国系咩味佢都好记得，讲到兴奋时仲即场示范当时喺健身房闻金钟国嘅动作，完全变成小粉丝！
有份一齐同金钟国拍摄嘅嘉洛就话，朱仔系经历咗一次「恋爱」，自己从未见过朱仔咁嘅表情，仲话要同朱仔保持一下距离。高Ling就大爆朱仔喺车上双眼发光，不停分享拍摄时同金钟国发生嘅事，自己都好少见到朱仔有呢一面。
三位喺记者会上重现节目中嘅搞笑场面，朱仔即场再示范用口剥虾嘅绝技，令高Ling叹为观止之余，仲话好想挑战一下。朱仔就话，佢觉得好奇怪点解大家做唔到，因为系一件好自然嘅事，只要摆得入口就可以做到。
《Grand住去首尔》10月31号起 逢星期六晚 20:00 翡翠台