草蜢 日前喺澳门举行两场演唱会，头场座上客容祖儿更被三子即兴拉上台合唱。Joey一上到台就向偶像表白，话自己系由细就听草蜢嘅歌长大，蔡一智就问Joey：「有边只歌系识嘅？系熟嘅？」Joey就答：「不如问我，有边只你哋嘅歌，我系唔熟？」之后就拣咗好符合心情嘅《永远爱著你》同草蜢合唱，随后四人又加码唱出Joey嘅《隆重登场》，令全场观众High到爆。
喺第二晚，草蜢就请嚟老友 古天乐 做嘉宾。四位合唱30年前，古仔为草蜢MV担任男主角嘅歌曲《原谅我是我》同埋古仔嘅名曲《今期流行》。
古仔呢晚嚟其实唔止做嘉宾咁简单，佢仲以「演艺人协会会长」身份，宣布草蜢成为「健力士世界纪录」嘅「华语最长寿不变阵组合」，更由官方认证官将证书颁比三子，呢个好消息亦为呢次嘅演唱会划上完满句号。
