Sophie 叶蒨文 27号踏入34岁，日前同Fans一齐庆祝嘅佢，仲获男友GM 曾展望 惊喜捧住蛋糕出现送上惊喜，加上一大束鲜花令女神喜上加喜。呢日戴晒后冠嘅Sophie明艳照人，至于GM会点为女友庆祝，佢就保持神秘唔肯开口讲喇。
虽然GM鬼鬼马马唔肯讲点安排，不过睇Sophie充满爱意嘅眼神，就知点都心满意足喇。寿星女亦都直指一齐过已经非常开心，不过都警告GM要小心处理，唔系就有排佢受呀。
至于一众「苏菲猫」亦为寿星女安排一次非常丰富嘅生日活动，多位好友就事先预录片段送上祝福，而佢本人就为大家献唱回报大家支持。之后仲同大家即场挑战网上大热嘅闪身步，令大家笑声四起呀。
