区瑞强（Albert）与吴大强呢日作客TVB娱乐新闻台《StarTalk》，接受主播 潘盈慧 访问，区瑞强谦称属第一代斜杠族，自己喺工作上唔勤力，朋友成日见到佢都系玩紧，Albert一年内开好多唔同主题嘅演唱会，佢感恩喺圈中人缘好。
Albert今次以传承为主题，除咗电台DJ岁月，Albert话揾好友吴大强系盼望传承同保育怀旧英文歌。Albert坦言大家系唱英文歌成长，对英文歌好有感情，而开骚亦好重视与乐迷朋友相聚。
Albert分享入行难忘事，以前喺电台工作系手忙脚乱，又要播黑胶碟、又要夹住个电话倾紧、又要开咪讲嘢，完全冇电子化，真系要一脚踢！Albert话当年系一个新人，工作热血有拼劲，每日主持3个钟，又要喺TVB拍嘢、又要返学，呢啲真系后生仔先顶得顺，人生时间用得好充裕，亦扬言永不言休！