《爱．回家之三代同糖》嘅多位演员，呢日衬住万圣节将至，齐齐扮鬼扮马走上街头，同观众近距离接触派糖果，吸引唔少观众注目。其中新加入嘅 樊亦敏 同 欧瑞伟 就分别化身嫦娥同玉兔，非常搞笑，至于 李伟健 嘅哪吒就被大家笑佢争咁条底裤仔，而 车婉婉 就重现当年《皆大欢喜》「万贵妃」造型，仲连戏服都系如假包换呀。
呢日Amy仲预告「嫦娥」剧中会同「万贵妃」合体，坐直升机出场嘅佢，令唔少观众都满面笑容，而KC同Terry今次关系未明，不过剧外相处就令两位女拍档直言呷醋，两人仲互助夹𩠌不知几痴缠，而KC就开口指系因为Terry刚接受完手术，所以更加要好好关心好拍档呀。
而 关曜俊 容天佑 同 赵浚承 嘅扮相亦非常突出，美少女战士x小丸子x吸血僵尸嘅造型，真系见到就忍俊不禁呀。
