林𬀩竣 将佛学「八苦」与「五蕴」哲理融入全新单曲《离苦》嘅现代情感深远意境，歌曲分享「解开执念、回归当下」嘅讯息。 MV以时空交错叙事，为乐迷带来视觉同心灵双重冲击。
Regent喺MV当中，挑战一人分饰四个处于不同时空嘅交错角色，故事横跨过去同未来。佢分别扮演身处战乱时期嘅饥荒平民，于生存边缘挣扎面对生离死别；之后穿梭到奢华嘅贵族府邸，成为饱受病痛同孤独折磨嘅贵族病人；后来穿越到现代，最后延伸至未来时空，喺虚无同未知中寻求心灵解脱。
为完美还原各个时空嘅场景，Regent拍摄战乱场景时，同团队徒步行山先可以到达取景地，现场环境潮湿又被昆虫环绕，非常考验意志力同体能。Regent仲分享未来时空嘅场景陈设中，特别加入Mini Show时用过嘅气氛灯，巧妙融入MV之中成为彩蛋。
四个角色虽然身处唔同时代、面临唔同困境，但就同样被无形死结同困扰缠绕。Regent透过细致演出，将唔同层面嘅「苦」展现得淋漓尽致，引领观众随旋律一齐参透「拥抱后放开」嘅智慧。 
MV仲推出支援VR器材观看嘅沉浸式（Spatial / Immersive）版本。观众戴上装置后，就可以摆脱二维限制，置身于拍摄现场嘅震撼感。