郑希怡 日前无预警喺社交平台分享「屋企多咗一个新成员」嘅喜讯，更贴上一张手抱BB相，令唔少人以为佢同老公梁学储追二胎成功，11岁囡囡梁浸浸荣升家姐，仲收到唔少网民嘅祝福添！
不过大家搞错喇！Yumiko喺27号晚再出Post，攘开BB真实身份！原来BB系Yumiko家中外佣姐姐嘅BB，佢仲话姐姐喺梁浸浸出世嘅时候就喺度，已经为佢哋屋企服务咗11年，所以一早当咗姐姐系屋企一份子。而梁浸浸喺BB出世后，就好似大姐姐一样好识照顾人。
Yumiko亦喺文末为姐姐送上祝福：「而我亦衷心祝福maymay，希望她佢呢一次的选择会系一个幸福的归宿，请快d放完产假⋯😏」展现佢哋之间嘅情谊，而Yumiko好友黄依汶都赞佢系「最好的雇主」，网民都话呢段主仆情谊深厚温馨。
