台庆综艺恋爱真人骚《女神配对计划2》播出后热话不段，每集播出后女神们同求爱勇者嘅互动都喺唔同社交平台成为讨论热点。
而今个星期日（11月1日）播出嘅第9集， 何沛珈（Roxanne）、陈若思（Amber）、郭珮文（Juliana）、梁超怡（Chiuyi）、陈星妤（Yvette）、阮嘉敏（Mandy）同俞可程（Kanis）几位女神，就会同12位求爱勇者吴兆麟、吴旭东、俞鋆瑞、谭梓乐、李尔晨、林子朗、伍颂曦、侯建民、林福明、吴俊峰、方智弘仲有关经翰， 喺主题公园大玩水上游戏，进一步展现各位真性情。
节目组率先发布各位女神嘅水着「抢先睇」，令大家眼睛先吃冰淇淋。Kanis、Roxanne以及拥有导弹级身材嘅Juliana著得较密实，至于超怡同Mandy齐齐成为「露腰」担当，而星妤同Amber就凭青春本钱索爆抢镜，女神各有各吸引之处，期待值爆灯！
除咗女神嘅单人相，节目组仲释出大量合照同花絮照。女神们喺拍摄旅程之中亦结下友谊，喺曝光嘅合照中，Roxanne同Kanis揽腰翘手，变成孖公仔合照。至于Amber同Juliana就糖黐豆，喺影合照时揽到实一实，仲拖实手仔。大家都喺揾到真爱前，先揾到自己嘅好闺密。
《女神配对计划2》星期日晚 20:30 翡翠台