蜜运中嘅 廖碧儿Bernice ，呢日出席活动时自带粉红泡泡效果，睇得出佢深受爱情嘅滋润。早前默认与70岁百亿富商 吕礼章 嘅忘年恋，虽然两人年轻相差23岁，但Bernice就觉得年轻都不过只系一个数字，最重要系两个人夹同开心，不过问到有冇结婚计划时，Bernice就话冇计划，如果有特别嘅喜事会同大家分享。
有传媒指Bernice相当难追，到底佢系被咩打动到？Bernice即反问点解会觉得佢难追，有传媒指要吕生呢个级数先可以追到佢，Bernice就叫大家问返对方，仲话自己冇资格带人出嚟畀大家见呀。
对于早前于社交平台上载「I ❤️B」嘅相片，又被网民发现佢戴上巨钻戒指，故被猜测将好事近，对此Bernice就作出否认，又解释戒指系为美国天后Taylor Swift设计婚戒嘅设计师 Kindred，为佢度身订造，送畀佢纪念入行25周年嘅戒指。
提到旧爱 刘恺威 承认与 黎纪君 发展中，Bernice就话同对方已经有十几二十年冇见，不过都会祝福对方。
同场出席活动嘅仲有 詹天文 、林智乐 、 黄博 以及 李幸倪 等，Gin Lee早前做瑜伽时不慎扭伤，搞到行路时都有啲问题，但好彩几日后已经好返。
