马德钟 翁虹 温碧霞 以及三位应届得奖港姐 出席由 赵曾学韫 主办嘅慈善晚宴，而早前安排囝囝移局加拿大嘅 郑俊弘 呢日亦有参与活动，不过佢同太太 何雁诗 受访后，就被外界指感情疑出现问题，呢日Fred就澄清，指目前目标系以囝囝Asher为先，因为罕见病原因，佢哋同一般家庭并唔一样，两人感情并冇问题。
佢仲指囝囝近日已开始学行楼梯，令佢哋都非常鼓舞，最紧要就系小朋友开心同健康。
而早前刚飞往美国，为囡囡庆祝完19岁生日嘅翁虹，呢日仲指囡囡升读大学后非常忙碌，既要忙学业，同时又兼任普拉堤教练，仲同时系美食KOL，所以连妈咪飞去见面都要先预约时间，令佢哭笑不得呀。
同场嘅 温碧霞 早前同老公旅行庆祝结婚26周年，佢话虽然两人感情并非一帆风顺，不过历久常鲜觉得非常难得，仲指呢次京都之旅非常开心难忘呀。
