第39届东京国际电影节近日举行，虽然开幕礼当日天气麻麻，整个红地毡环节都倾盘一大雨，不过就无阻一众出席影星嘅兴奋心情，继续盛装打扮出现，当中 北村匠海 出口夏希 松冈茉优 翁倩玉 中岛健人 都先后现身。
一身桃红色长裙出现嘅 翁倩玉 代表佢参演嘅《阳光女子合唱团》出席，而去年爆出不伦恋嘅永野芽郁，就以佢监制嘅新作参展。
身为电影节大使嘅中岛健人，就继续以阳光笑容，将滂沱大雨形容为滋润电影界嘅水份，非常得体又识做。至于冈田准一主演嘅新片系今届嘅开幕电影，佢同拍档松坂桃李以及清野菜名一齐现身红地毡现场，冒雨同一众影迷打招呼。
佢仲指参演嘅日本本地制作，获选为开幕电影心情非常荣幸，又指新作将同观众一齐体验音乐，希望大家好好享受。
