刘颖旋 同 森美 呢日出席一个急救学院周年活动，Tiffany联同近400位医护，砌出「AED」急救图案，打破健力士世界纪录，有幸嘅为其中一人，Tiffany就话冇谂过可以亲身参予呢件事，觉得好有意义好开心。
喺台上跟住医生示范心外压嘅Tiffany，指自己学咗好多新智识，因为以前佢未上过呢类堂，仲话觉得大家都要知道呢啲基本功，好想同身边人分享，因为学识呢啲智识喺紧急情况下会有好大分别。
为大会担任司仪嘅森美，今次就未能落场一齐打破纪录，佢话自己睇到呢个活动嘅司仪稿时，本身有少少睇小呢次壮举，但后来先知成件事要求好高。森美又分享咗一次惊险经历，有次同朋友打波，一位好健康嘅波友打打下波突然跌倒，心跳同呼吸都停咗，好在咁啱有个救护员在场帮佢做手外压，又以AED机帮对方急救，先可以撑到白车到场。
