麦玲玲 樊亦敏 同 糖妹 作客台庆综艺《美食强人》，节目最新一集嘅主题讲咕噜肉，酸酸甜甜嘅口感啱晒女士们嘅胃。Amy瘦身成功之后，大家都以为佢会严格控制饮食，但佢唔只食得好尽情，仲好认真，令玲玲姐都话估唔到Amy咁识食，仲问Amy点先做到识食又唔肥？Amy就话，食嘅份量要啱，而且质量要好。
Amy其实呢日连打扮都特别花咗心思，衣著配色都同咕噜肉好似。糖妹亦被Amy嘅用心吓亲，因为Amy带埋温度计同食物磅嚟节目，令玲玲姐都笑Amy好似验毒一样，可能会被餐厅列为不受欢迎人物。
Amy就觉得呢个节目好有意义，因为可以重新介定点样去拣好食嘅嘢，所以自己都好投入支持，仲觉得拍完呢个节目后，有返肚腩仔。
三位作为「神秘美食家」，要符合神秘呢个主题，少不免要乔装打扮下，不过糖妹就话，自己好认真戴晒眼镜同帽，估唔到Amy同玲玲姐唔系咁。不过Amy就话自己好古惑，当时被问系咪去拍摄，佢就死口唔认，而玲玲姐就大方出现，话自己只系做资料搜集，仲会打电话去留房食嘢。
《美食强人》星期一至五晚 21:30 翡翠台