JW 王灏儿 上月被爆婚讯瞒足近一年，指佢原来早于去年11月22日，已跟圈外富商男友 Jim Wong王至尊 喺土耳其低调秘密注册结婚。适逢当时JW嘅好友 陈滢、罗天宇、陈懿德同马天佑等都喺土耳其旅行，仲有众人打扮得体嘅合照，相信系一齐见证JW嘅人生大事。
对于已婚一事，JW一直未有回应，不过喺今日（29号），JW就向传媒发送一个红色纸袋，内里有一张造型极似红色请谏嘅新歌介绍，上款写上「JW&JW」，内文「谨以至诚，邀请您倾听我们制作的《JW²情歌》，见证我们人生新篇章的开启。2026/10/30」，并附上一盒曲奇西饼，令人联想JW欲借新歌宣布喜讯。
JW嘅新歌歌名同样充满含意同心思，正因为除咗佢英文名Joey Wong，简称叫JW，而刚好佢嘅另一半王至尊，英文名Jim Wong，简称同样叫JW，所以新歌正正代表系两人嘅情歌。同样新歌派台宣传方法，亦似乎有派囍饼宣布喜讯含意，红色请谏印上「见证我们人生新篇章的开启」，宣传人员指JW今次系凭歌寄意，相信大家都非常期待JW²正式宣布喜讯，接受大家嘅祝福。
