陈晓华Hera 喺热播剧《璀璨之城》中饰演嘅郭芷媛虽然喺第三集时已经暂别观众，但到第十四集又再出现喺观众眼前。陈滢Jeannie饰演嘅霍佩桦为咗帮芷媛报仇，选择埋身战术喺张智霖Chilam饰嘅官孝贤身边。
myTV SUPER重温《璀璨之城》豪门家族争产
呢集陈滢同Hera双双出现嘅画面就更加震撼，交代返陈滢一直都对Hera好情深，两人倾诉后依偎喺梳化上瞓觉，陈滢仲亲吻Hera额头，完美演绎含蓄嘅爱意。
Hera睇完呢幕后即刻将画面放到社交平台回味，并为霍佩桦加油：「在电视机前的陈晓华，感觉到心里的郭芷媛在为你哭，因为看见你，很努力很努力，但我不想，受著伤努力『我相信 当你好想好想好想要一样野 个天一定会回应你』我相信的事，成真了，得到回应了，收到了。」而陈滢亦留言：「只要你开心，我咩都可以为你做。」
Fans们都好投入，纷纷留言话「你一定可以帮Annie报仇」、「唔想Sarah有危险」、「看见很心痛」等回应两人呢场戏，亦有唔少网民留言表示想睇二人嘅感情线，敲碗请求TVB开拍GL剧。
《璀璨之城》星期一至五晚 20:30 翡翠台