探讨婚姻关系嘅节目《夫妻肺片》话题丰富受欢迎，节目组随即添食开拍《夫妻肺片》第二季，由单立文、胡蓓蔚Paisley、赖慰玲Winki、胡诺言担任主持，豹哥同豹嫂首次夫妻档上阵，喺访问时豹嫂畀足面豹哥，话节目中嘅笑料同气氛全跟住老公方向，交由佢做气氛担当。
Winki则觉得有豹哥豹嫂带领节目好开心，仲见识到豹嫂喺节目中同豹哥互动嘅火花，大爆豹嫂好娇嗲。豹嫂即刻否认，解释只系豹哥唔钟意佢讲唔正嘅广东话，不满佢作日吊高音调讲嘢。胡仔就认为大家嘅经历好有趣，因为唔洗对白全部来自真实婚姻状况。
杨明同庄思明Lisa会一齐分享新婚生活，表现恩爱。而近日杨明喺大马开设嘅食店一口气获得三个业界奖项，两夫妻同一班员工都好开心。