《璀璨之城》剧情峰回路转又激烈，呢幕讲到 张智霖Chilam 原本十拿九稳嘅大项目，被细佬 吴卓羲 截糊要败走，仲带同老婆 张曦雯 加埋阿妈 江美仪 嚟踩场，气氛凝重。拍摄呢场戏时Chilam虽然大赞对手好戏，但就笑言难顶 高海宁 忍唔住笑，明明人哋讲紧好严肃对白时，佢会好似中咗笑穴咁焗蟹都当得，自不然就被佢影响到。
myTV SUPER重温《璀璨之城》豪门家族争产
美仪姐嘅角色喺中段出现加入官家战场，同阿Ron饰演两母子企同一阵线，两人现实中系住隔离嘅邻居好朋友，拍剧时做母子嘅感觉真系好特别，Ron笑指成份母爱出晒嚟。而Kelly夹喺两母子中间，听住佢哋唱双簧，虽然完全摄唔到位讲嘢，但都笑得好开心劲冧。
喺剧入面Kelly嘅阔太打扮贵丽，但身高就令阿Ron唔多满意，仲投诉Kelly一啲都唔畀面，场场都著超高高踭鞋，搞到佢好自卑，所以美仪姐都话唔钟意呢个新抱。Kelly就呵返阿Ron话觉得佢唔需要高度去代表自己，好似Tom Cruise同王祖蓝一样。
《璀璨之城》星期一至五晚 20:30 翡翠台
