真人恋爱综艺《女神配对计划2》今个星期移师水上乐园，万众期待嘅女神水著look，绝对会冲击大家嘅眼球，七位女神 郭珮文Juliana、 何沛珈Roxanne、 俞可程Kanis、 陈若思Amber、阮嘉敏Mandy、陈星妤Yvette 同 梁超怡，轮流挑战玩水上滑梯，现场尖叫声不断。
myTV SUPER重温新一辑女神求爱历程
Juliana本身系游泳高手，所以呢种程度对佢来讲湿湿碎，Amber睇上去弱质纤纤，但原来都好大胆，玩水上滑梯一啲都唔惊，而Kanis就只担心落水一刻可唔可以keep住个靓样。相反Roxanne同Mandy就因为不谙水性，所以惊到花容失色，直接喺镜头大喊，真系我见犹怜。至于两位隐藏女神陈星妤同梁超怡继续表现进取，两位都著住战斗格泳衣上阵。
女神需要保护，就系求爱勇者们展现man power嘅时候，尤其见到女神惊到喊，好自然就会激起内心嘅保护欲， 李尔晨 就话见到Roxanne喊觉得于心不忍，仲赞佢喊完都咁靓，真系识氹女仔。而 吴兆麟 就话表现专业话只会关心自己心仪嘅女神Amber。
水上乐园仲有一场重头戏就系要玩骑膊马，平时斯斯文文嘅女神完全冇留力，各个都流露出狠劲，惊唔惊吓怕一众男士呀？
《女神配对计划2》星期日晚 20:30 翡翠台
