何超莲牺牲靓样客串老公窦骁新戏 自爆大意两度遗失情侣手鈪

何超莲同老公窦骁近年少有同框，所以不是惹来对佢地婚姻状况嘅揣测，不过近日有套新戏就有佢地两公婆共同参演，超莲喺戏中牺牲靓样，用特技化妆将自己搞到好污糟，而且只系惊鸿一瞥，超莲话自己只有短短一分钟戏，但就用咗三个钟化妆，咁都可以打动超莲，当然就系因为俾面老公啦！

超莲呢日出席一个珠宝活动，佢著住裤装，睇落型格又不失优雅，大部份女士都爱珠宝，超莲当然都唔例外，佢话自己最钟意就系耳环，而最难忘嘅就系爸爸赌王喺佢出嫁𠮶阵时送上全套红宝石珠宝，不过问到自己拥有最名贵嘅珠宝价值几多，超莲就话要返屋企问吓阿妈先知。

珠宝除咗贵在价值，心意都好重要，窦骁就深明此道，识得送上心头好氹超莲开心，不过大头虾嘅超莲就大意遗失咗老公送嘅情侣手鈪，为咗补镬，佢特登买返一只一模一样嘅，估唔到竟然两度遗失，最后唯有放弃。