袁丝珩预告万圣节扮靓公主 靠瞓觉运动保持长期最佳状态

应届港姐冠军袁丝珩以「爱眼之星」身份现身幼稚园，同小朋友玩游戏灌输护眼知识，身为独女嘅Bernice自爆好钟意小朋友，将来仲想生5、6个小朋友。以往喺主题公园任职时，Bernice经常接触到小朋友，所以今次活动能够见到咁多小朋友，佢都非常开心。

今年嘅万圣节，对于Bernice嚟讲系充满期待，因为以往万圣节正日都需要工作，今年终于可以真真正正出去玩感受气氛。Bernice透露会扮靓靓公主，相约旧同事外出游玩。

当选港姐冠军两个月，Bernice经已习惯出席各类型大大小小活动同接受访问。问到如何保持最佳状态时？佢话「唔使出席活动时，就尽量休息同食得健康。」佢仲话做运动都系好大帮助，近期仲可以接触pickleball。