林凤娇嘅外甥歌手 董又霖（Jeffrey），近日喺社交平台分享咗一辑 BB百日宴照片，原来佢早前升呢成为舅父，而喺佢PO出嘅众多照片中，就有成龙抱起「外甥孙」嘅一幕。
相中所见，成龙似系刚做完按摩，上身赤裸只盖着一条毛巾，佢以麒麟臂平稳托举「外甥孙」Caleb，面上露出慈祥笑容。而另一张相则换成一女子抱住Caleb，而已坐起身嘅成龙则伸出拳头与Caleb嘅小手对碰，Jeffrey喺caption中写道：「拳头比头大😆」
唔少网民睇到照片后，都留言指好难得睇到成龙喺家中放松嘅一面，亦有网民赞现年72岁嘅大哥皮肤相当好。
