由 高海宁 周嘉洛 同 朱敏瀚 主持嘅节目《Grand住去首尔》今晚起播出，已经第三次参与系列节目嘅高Ling，今日就事先公开当中唔少花絮照片，其中第一张见到人气高企嘅嘉宾 金钟国 拎住家洛同朱仔嘅姓名牌，大家都可能已经估到，系重现《Running Man》经典撕名牌游戏喇，不过高Ling企喺佢身后有所动作，之后又高举对方名牌，唔通呢次最后嬴家会系佢？
另外亦可见一身现代女性打扮嘅高Ling，于传统韩屋外留影，而身穿一身韩服嘅朱仔就非常放松咁半摊于屋外，两人嘅打扮同表情都充满反差对比，令人失笑，相信呢次旅程一定系笑声同笑料不断呀。
朱仔同老友鬼鬼嘅嘉洛，虽然身穿一身韩服，照计应该有返Oppa嘅英明神武先系，谁不知两个就继续整鬼造怪，于首尔街头模仿身后新人结婚海报摆出甜蜜表情冤气到晕，唔知 张振朗 睇到呢个画面会有咩谂法呢？
《Grand住去首尔》今晚起 星期六晚20:00 翡翠台