加拿大巨星 The Weeknd 近日首度来港开办演唱会，于舞台上播放；融入大量标志性嘅香港印象片段，再加入王菲经典名曲《季候风》嗁影片，早已成为近日话题，而令唔少朋友回想香港过去嘅美好回忆。
早前已经设宴招待 The Weeknd 嘅影帝 梁朝伟 同太太 刘嘉玲 亦亲身入场欣赏演出，嘉玲睇完骚更于社交平台公开睇骚情况，当现场响起好友王菲嘅《季候风》时，嘉玲姐即刻兴奋跟住合唱，而更惊喜嘅系，一向被外界封为「社恐代表」、性格内向又平静嘅伟仔，亦被现场热烈气氛感染。
片中所见，伟仔全程睇到笑逐颜开，心情劲靓，仲跟住音乐节拍轻轻摇摆，展现出极之罕见嘅活泼模样，成为另一焦点
嘉玲亦喺社交平台大方晒出，当晚同唔少朋友同场嘅睇骚靓相，除同The Weeknd嘅合照之外，仲见到现已贵为内地电商巨头时尚拓展顾问嘅「奶茶妹妹」章泽天。众人同框合照气场十足，迅速喺网上引发热烈讨论，亦为今次国际级音乐盛事再添话题。
