现年50岁嘅视帝 陈山聪 ，近日作客 梁靖琪 嘅网上专访节目，大谈入行32年嚟嘅心路历程，亦破天荒公开感情世界。过往感情生活风波不断嘅山聪，今次喺节目中毫不避讳提及当年与何超云嘅情史，亦坦诚面对昔日错误与感情失败，又提到同现任太太Apple嘅相处之道，感叹「改变唔到人就改变自己」。
陈山聪早年曾与设计师杨渡萍(Ponny）有过一段婚姻，到2011年宣布离婚，之后高调与赌王三房千金 何超云 相恋。当时「云山恋」轰动全港，山聪更被外界指责形象而大受打击。呢段豪门恋情仅维持咗两年就分手告终，而山聪事业同名声同时跌入谷底，甚至失去友情同工作机会。
谈及低谷时期，山聪坦言当时一直匿喺屋企自责，甚至觉得自己面临「一系永远消失，一系勇敢面对」嘅抉择。最终佢选择喺凌晨跑步中自我反思。后来重返TVB后，由小角色做起，抛开身边所有闲言闲语，最终凭借实力一步步向上爬，亦成功夺得「最佳男主角」。
经历过感情中嘅大风大浪，山聪表示人生最感恩嘅系遇到现任太太Apple。Apple喺佢事业低谷同受尽争议嘅时候出现，完全唔计较佢嘅过去，一直陪伴喺侧。两人于2019年结婚并育有可爱囝囝陈霆轩（Jaco）。
山聪喺节目中直言，家庭同囝囝令佢彻底改变，学识收敛脾气、懂得感恩同珍惜身边人。佢感叹而家所有努力都系为咗畀屋企同囝囝更好嘅未来，自己亦由过往嘅「浪子」变成「爱妻号」同好爸爸。
