区瑞强 周国丰 作客《流行都市》分享多年来共事电台嘅点滴。两位纵横广播界多年，更同麦润寿 郑子诚 两位同事老友鬼鬼。Albert笑言佢哋四个加埋嘅电台开咪时间足足有180年，简直就系一个创举。
仲笑指如果佢哋四个一齐申请健力士世界纪录，肯定能够成功。周国丰就话，要靠Albert打破Uncle Ray嘅纪录，Albert就表示打破唔到，因为Uncle Ray一个人做咗电台节目60几年，自己做咗咁耐都只系50年。
后年就系香港广播事业100周年，周国丰都话计划做好传承工作，并唔系只讲怀缅，而系想同年青人分享广播有几正，想将广播业嘅优点一直继续延续落去。
Albert将会喺嚟近嘅演唱会上，翻唱多首陈百强嘅歌曲。周国丰分享妈妈都好钟意Danny，佢相信Danny系好多长辈都想拥有嘅儿子，无论系外型、气质定系才华，完全符合「完美儿子」。而同Danny合作无间嘅 郑国江 都会嚟到演唱会，所以佢哋就想将Danny同郑老师嘅作品好好传承落去，令大家听到呢啲精彩歌曲。