中声歌手现身流浮山音乐节 颖乔出情歌重回舒适区

颖乔 刘威煌 梁浩贤 同 甘永杰 日前现身流浮山担任音乐节嘅表演嘉宾，虽然地点偏远，但一众歌迷仍然热情捧场。威煌都好感动每次活动粉丝都鼎力支持，而浩贤就想向粉丝们介绍流浮山好玩好食之处，令大家多啲嚟玩。

颖乔最近推出新歌，呢次终于返入舒适圈唱情歌，所以佢都话录音时嘅心情，相比起录第一首歌嘅时候稳定同舒服，不过都有难度之处，好考验情绪变化，所以佢喺录音时都要拿捏得好好，自己喺唱嘅时候都谂返过去经历培养感情。