冯素波 出席粤剧慈善晚宴，不过波姐今次就唔系做表演嘉宾，而系带住工作人员嘅身份满场飞，波姐笑指因为呢个系慈善活动，加上自己唔识唱歌，又唔系老倌，只系老叔父，所以主办方话见佢钟意行来行去，就俾个工作证等佢四围行。
波姐早前喺社交平台透露自己病倒引起大家关心，波姐话其实系自己外游时食错嘢，排便唔太正常，加上周身骨痛到好似铁甲人咁，睇医生后话佢可能内里有啲发炎。本来打俾外国嘅阿仔想讲声佢听，点知搞到大家好紧张，啲契仔上嚟屋企揿钟。波姐话后来醒起自己打咗流感针有啲反应，现时已经一切冇大碍，叫大家唔洗担心。
晚宴上，101岁嘅卿姐罗艳卿亦有现身，龙贯天同尹飞燕都话唔少粤剧界中人都好长寿，尤其系唱歌可以令心肺更健康，所以佢哋都会Keep住唱落去。
