冼靖峰 即将举办首个香港个人演唱会，心情兴奋嘅佢呢日喺记者会宣传时获大批fans支持，Archie更贴心同佢哋互动玩游戏，当然唔少得献唱环节啦。
Archie出道四年，好开心有机会开个人骚，特别多谢粉丝对佢支持，知道好多海外粉丝为咗佢喺外地返港好感动，承诺会倾尽全力演出，届时除咗自己歌曲亦会有部份翻唱歌，仲会有未曾公开演出嘅歌在内，又会自弹自唱。
Archie为咗个唱近期专注练歌、排舞同操fit身形，见佢开始有啲成果，佢仲预告舞蹈方面向高难度挑战，特意提早近两个月已经开始彩排，有时通宵工作后都赶去排练，希望练好舞步呈现最好状态。
