应届港姐冠军 袁丝珩 当选后，俾外界形象亲民又贴地，而今年嘅万圣节Bernice虽然未有夸张打扮出门，不过就特别重返选美前曾任职嘅主题乐园「旧地重游」，惊喜探望昔日一班战友兼旧同事，度过一个温馨又特别嘅周末。
Bernice以一身简约又青春嘅粉红色造型现身乐园，虽然低调登场，不过依然难掩港姐冠军气场。喺乐园游览期间就被不少市民认出热情要求合照，Bernice全程来者不拒，逐一同大家拍摄毫无架子，满面亲切笑容。
除把握机会同全套造型上阵嘅旧同事叙旧打气，，佢亦喺社交平台公开过往喺乐园任职时嘅万圣节扮相旧照。相中可见佢当年造型极具心思，青春无敌兼眼神精灵，同目前港姐高雅气质相比，更多咗几分可爱同活力。
相片一公开，就获大批网民留言，更大赞Benice：「由细靓到大！」、更指佢「饮水思源好重情义」、「万圣节返去探旧同事真系好甜！」，更有幸运儿公开合照，赞Bernice真人比上镜更加靓同温柔呀。
