早前宣布明年重返红馆开演唱会嘅 任贤齐 ，日前飞往澳洲举行巡演。而完成悉尼站后，因为有一日时间休息迎接墨尔本站，所以小齐喺紧凑嘅彩排空档，就走到街头感受当地嘅万圣节气氛。
原本谂住打卡凑热闹嘅小齐，竟然成为咗另一个「景点」，被途人野生捕获嘅佢，仲讲笑话自己其实系扮紧「任贤齐」，认真幽默﹗小齐仲话要多谢路上嘅朋友，佢话大家都知佢呢次嚟开演唱会，所以都向佢送上祝福。
唔少网民都留言大赞小齐扮「任贤齐」似模似样。「任贤齐在任贤齐cosplay大赛中获得第一名」、「万圣节装扮真像小齐哥」、「这份先生长得好像小齐哥哦，可爱100分」。
