梁家辉获颁世界杰出华人 典礼后即回家与两宝贝庆祝

一年一度嘅万圣节，除咗大人个个扮鬼扮马庆祝外，一众宝妈都会为自己嘅宝贝打扮得可可爱爱嚟凑热闹，好似梁家辉嘅一对孖女 梁静曦 同 梁颖晨 咁，前者就帮佢个混血囝囝Thibeaux扮成芝麻街嘅人物cookies monster，而后者则为囡囡Skye扮成Cowgirl，两个小宝宝都非常可爱吸睛！

有两个咁可爱嘅外孙喺屋企，难怪影帝 梁家辉 于1号出席完「第十九届世界杰出华人奖颁奖典礼」后，就急急脚拎住新鲜出炉嘅「世界杰出华人奖」奖座，返到屋企同两个小宝贝一齐庆祝！家辉仲将个奖座畀Thibeaux摸下，但因为怕Thibeaux唔够力拎实，于是弯低腰帮佢托住个奖，而Skye则企喺Thibeaux隔离望实公公手上个奖座。