相信唔少男士，面对另一半提出嘅「我今日有咩唔同呀」呢啲地狱级问题，都会滴晒汗希望揾人帮手谂点答，不过呢啲问题完全难唔到陈豪呀！呢日佢同《美食强人》嘅几位主持 龚嘉欣 陈浚霆 及 林秀怡 作客《一周星星》时，就示范出完美答案，获得在场众人嘅掌声。
myTV SUPER重温《一周星星》精彩内容
阿Mo同太太 陈茵媺Aimee 结婚13年依然恩爱如昔，主播 许文轩 问到佢哋有咩保鲜嘅技巧？阿Mo就指佢同Aimee从来都冇嗌过交，佢哋两人共同设立咗一个「密码」，无论发生天大嘅事都好，只要讲出个密码，都要以大家为先，有咩唔开心都要放低，呢个系佢哋维系关系嘅方法，不过阿Mo就话到而家佢哋都冇动用过呢个密码。
节目中就播出Aimee想同阿Mo讲嘅说话，当中佢讲到从好多细节位都可以感受到阿Mo对自己嘅爱，例如Aimee话自己系一个好易蘯失路嘅人，所以如果平时佢迟过30分钟未返到屋企，阿Mo就会即刻call佢，如果迟过一个钟，仲会即时揸车出去揾佢，Amiee话呢份紧张系由拍拖到而家都冇变，亦好表现到佢爱嘅方式，Amiee话呢份紧张胜过所有礼物。
《一周星星》星期日晚 21:30 翡翠台