龚嘉欣喺剧集《杀手》中饰演擅长用刀嘅杀手易兰，呢日佢同《美食强人》嘅几位主持 陈豪 陈浚霆 及 林秀怡 作客《一周星星》时，就齐齐重温佢喺剧中同 黎耀祥 喺街头打斗嘅一幕。嘉欣话单系呢段打斗戏，佢同黎耀祥都拍足两晚。
myTV SUPER重温《一周星星》精彩内容
当主播 许文轩 问到嘉欣拍呢套剧时，有咩部位受伤？在旁嘅阿Mo即抢答：「最紧要系个心灵」佢仲好得戚咁话：「我就知呢！」阿Mo话原本监制系想嘉欣全头铲青，嘉欣就补充话监制系想佢两边铲青净系留返中间𠮶一绺头发，但因为当时佢有代言喺身，所以只系铲青咗一边。嘉欣仲话铲完头第二日出席记者会后，即收到唔少广告商电话。
同样为剧集铲青嘅仲有 林秀怡 ，当时佢拍紧处境剧《依家有喜》，一大朝早就起身去咗剪头发，但点知返到公司，监制 潘嘉德 都系觉得佢铲得唔够青，于是就喺化妆间二次剃头，林秀怡 话自己铲完后忍唔住喺化妆间喊，但喊嘅原因并非因为头发，而系觉得自己一早起身去剪头发，点知最后都要二次修剪，令佢觉得浪费咗时间呀！
《一周星星》星期日晚 21:30 翡翠台